Windows 8 ប្រើ​សុខៗលែង​ស្គាល់​ Wireless អស់ តើ​ត្រូវ​ធ្វើ​ម៉េច?

ប្រព័ន្ធ​ប្រតិបត្តិការ​ជំនាន់​ថ្មី​នេះ ត្រូវ​បាន​ឌីហ្សាញ​មាន Interface ស្រស់​ស្អាត និង​ដំណើរការ​បាន​ល្អ​ជាង Windows 7។ ទោះ​ជា​យ៉ាង​ណា ហាក់​នៅ​មាន​បញ្ហា​ខ្លះៗ ជាក់​ស្ដែង អ្នក​ប្រើ Operating System នេះ​ក្នុង​ប្រទេស​កម្ពុជា​មួយ​ចំនួន បាន​ជួប​បញ្ហា error លើ Wireless គឺ​មិន​អាច​ស្វែងរក Wireless ដែល​នៅ​ជុំវិញ​បាន។ ផ្លូវ​ដែល​អ្នក​ប្រើ​នឹក​ឃើញ​មុន គឺ​តម្លើង Windowsថ្មី។ ចុះ​តើ​មាន​វិធី​ណា​ឱ្យ​ងាយ និង​ចំណេញ​ពេល​ជាង​នេះ​ឬ​ទេ?

គន្លឹះ៖ មើល​ម៉េច​​ដឹង​ថាកុំព្យ័ទ័រ​ប្រើ VGA ដាច់​ឬ​ជាប់ទៅ?

ទំព័រ​នេះ Sabay សូម​បង្ហាញ​ដំណោះស្រាយ​លើ​បញ្ហា​មិន​ស្គាល់ Wireless នេះ​ដូច​ត​ទៅ៖

- នៅ​ពេល Wireless មាន​បញ្ហា​នឹង​ចេញ​សញ្ញា​ដូច​រូប៖

- សូម​ចូល​ទៅ Computer Management ដោយ​ស្ដាំ mouse លើ Computer រួច​រើស​យក Manage។

- ត្រង់​នេះ សូម​ចូល​ទៅ Device Manager (ផ្នែក​ស្ដាំ) ហើយ​នៅ​ផ្នែក​ខាង​ឆ្វេង សូម​លុប (Uninstall) នៅ​លើ​ឈ្មោះ Wireless Network Adapter របស់​អ្នក។ (ឧទាហរណ៍៖ ក្នុង​រូប​មាន​ឈ្មោះ Qualcomm Atheros AR5B97 Wireless Network Adapter) បន្ទាប់​មក​ចុច​លើ​ប៊ូតុង OK និង​ស្កេន hardware changes នៅ​លើ Network Adapters ជា​ការ​ស្រេច។

ចុង​ក្រោយ​អ្នក​នឹង​ឃើញ Wireless ដំណើរការ​ដោយ​ស្គាល់ wireless នៅ​ជិតៗ​ជា​មិន​ខាន។

អានបន្តែម »

ដឹង​ប្រវត្តិ Apple Logo អត់?

ស្រប​ពេល​ដែល​ប្រិយមិត្ត​និង​អតិថិជន​របស់ Apple កំពុង​ទន្ទឹង​រង់ចាំ​ការ​បង្ហាញ​ខ្លួន​របស់ iPhone 5 យ៉ាង​អន្ទះ​សារ​វេលា​ម៉ោង ១២យប់​នេះ (ត្រូវ​នឹង​ម៉ោង ១០​ព្រឹក​នៅ San Francisco សហរដ្ឋអាមេរិក) ទំព័រ​នេះ Sabay សូម​​ដក​ស្រង់​យក​ប្រវត្តិ Logo របស់ Apple ដែល​កកើត​ឡើង​ជាមួយ​ក្រុមហ៊ុន​យក្ខ​នេះ​ក្នុង​ឆ្នាំ ១៩៧៦ រហូត​ដល់​បច្ចុប្បន្ន​មក​បង្ហាញ​ជូន​ប្រិយមិត្ត​ដើម្បី​កម្សាន្ត​អារម្មណ៍​មុន​នឹង iPhone ជំនាន់​ទី ៦​នេះ​បង្ហាញ​ខ្លួន។

រូប Logo ដំបូង​របស់ Apple ឆ្នាំ​១៩៧៦

រូប Logo ខាង​លើ​នេះ​គឺ​ជា​រូប​ដំបូង​បំផុត​ដែល​បាន​រចនា​ឡើង​ដោយ​លោក Ron Wayne សហ​ស្ថាបនិក​របស់ Apple ក្នុង​ឆ្នាំ ១៩៧៦។ សហ​ស្ថាបនិក​រូប​នេះ​បាន​ប្រើ​ប្រាស់​រូប​អ្នក​ប្រាជ្ញ​រូប​វិទ្យា​ដ៏​ល្បី​ដែល​បាន​រក​ឃើញ​ច្បាប់​ញូតុន​គឺ​លោក Sir Isaac Newton  កំពុង​អង្គុយ​អាន​សៀវភៅ​ក្រោម​ដើម​ផ្លែ​ប៉ោម​ធ្វើ​ជា​រូប​តំណាង​ឲ្យ Logo របស់​ក្រុមហ៊ុន។

រូប Logo ​ផ្លែ​ប៉ោម​ពណ៌​ឥន្ទធនូ​ (ចុង​ឆ្នាំ ១៩៧៦ រហូត​ដល់ ១៩៩៨)

តែ​ក្រោយ​មក​ក្នុង​ឆ្នាំ​ដដែល​ក្រុមហ៊ុន​បាន​ប្ដូរ​ទៅ​ប្រើប្រាស់​រូប​ផ្លែ​ប៉ោម​ពណ៌​ឥន្ទធនូ​ដែល​មាន​ស្នាម​ខាំ​បាត់​មួយ​ចំណិត​រចនា​ឡើង​ដោយ​លោក Rob Janoff ជំនួស​វិញ។ ប្រភព​បាន​បញ្ជាក់​ថា ហេតុ​ដែល​រូប Logoផ្លែ​ប៉ោម​បាត់​មួយ​ចំណិត​គឺ​ដោយ​សារ​តែ​ក្រុមហ៊ុន​ចង់​ឲ្យ​អតិថិជន​ចំណាំ​រូប Logo របស់​ខ្លួន​កុំ​ឲ្យ​ច្រឡំ​នឹង​រូប​ផ្លែ​ឈើ​ផ្សេង​ទៀត​ដែល​មាន​រូប​សណ្ឋាន​ស្រដៀង​គ្នា។

រូប​ Logo បច្ចុប្បន្ន ប្រើ​ពណ៌​ខ្មៅ និង​ទឹកប្រាក់​

Appleបាន​ប្រើប្រាស់ Logo ផ្លែ​ប៉ោម​ពណ៌​ឥន្ធនូ​នេះ​ចាប់​ពី​ឆ្នាំ ១៩៧៦ រហូត​ដល់​ឆ្នាំ ១៩៩៨ តែ​ក្រោយ​មក​ក្រុមហ៊ុន​បាន​ដក​ពណ៌​ឥន្ទធនូ​ចេញ​ដោយ​ជំនួស​មក​វិញ​នូវ​រូប Logo ដែល​មាន​ប្រាក់​ឬ​ខ្មៅ​រហូត​ដល់​សព្វថ្ងៃ។

iPhone 4 និង 4S ប្រើ Logo ពណ៌​ប្រាក់

iPad 2 និង The New iPad ប្រើ Logo ពណ៌​ខ្មៅ

iMac ស៊េរី​ចាស់​ប្រើ Logo ​ឥន្ទធនូ​ (រូបខាង​ឆ្វេង) និង​រូប​ iMac ស៊េរី​ក្រោយ​ប្រើ​ Logo ពណ៌​ខ្មៅ

អានបន្តែម »